Die meeste van ons is ook verslaaf hieraan. Die Afrikaanse sanger Bobby van Jaarsveld het vanoggend erken hy en sy gesin is verslaaf aan springmielies.
Bobby het ’n foto van sy drie kinders, wat die animasieprent Despicable Me kyk, op Instagram gedeel. “Ons is almal verslaaf aan springmielies,” het Bobby geskryf.
Vanaand speel ek en die orkes in Midstream as julle wil join… #brothers and #sister #home #relax #Naartjie #eartchild @earthchildclothing @samsungmobilesa #dobiggerthings @samsungsaOns neem Bobby-hulle nie kwalik nie. Springmielies is heerlike bederf!
Hoe klink hierdie resep?
Springmielies met parmesaan-kors
FOTO Lee Malan
Vergeet van net sout of suiker oor jou springmielies. Proe net hoe lekker is
hierdie eenvoudige fliek-peuselhappie met ’n bros kaaskors.
10 porsies
• 45 ml botter
• 100 ml sonneblomolie
• 500 g-pakkie springmielies
• 200 g parmesaankaas, fyngerasper
• sout en varsgemaalde swartpeper
Verhit botter en sonneblomolie tot matig warm in groot pot. Gooi
springmielies in en plaas deksel bo-op. Verhoog hitte. Laat al die mielies uitpof,
sowat 5 – 8 minute.Wees versigtig dat die springmielies wat klaar uitgepof het,
nie brand nie.Verwyder die pot van die hitte wanneer dit vol is en skep boonste
laag springmielies af. Plaas terug op hitte sodat die res uitpof.Verhit oondroosterelement
tot warm. Plaas springmielies op bakplaat en sprinkel
gerasperde parmesaan oor.Geur met sout en peper. Plaas in oond vir
2 – 3 minute of tot kaas gesmelt is en springmielies begin verbruin. Sit voor.
– Resep deur Herman Lensing
The post Bobby is verslaaf aan … appeared first on SARIE.