KYK DIT NOU: Vir Altyd-lusmaker

September 10, 2015, 12:26 am

≫ Next: Morné Morkel en Roz Kelly se eersteling gebore

≪ Previous: Kate Middleton soek 4 kinders voor haar 40ste verjaardag

Uiteindelik kan ons vir julle ’n lusmaker van Vir Altyd wys!

Die rolprent gaan oor Nina (Donnalee Roberts) en Hugo (Ivan Botha) wat as kinders beste maats was en ná baie jare weer ontmoet wanneer Hugo, ’n reisfotograaf, terugkeer na sy ouershuis in die Paarl, onwetend dat Nina die volgende dag trou.

Onverwags word Hugo deel van Nina se groot dag, maar wanneer Nina se verloofde nie die groot stap kan neem nie, besluit sy om steeds haar gaste te onthaal en hou hulle lekker partytjie – met baie sjampanje.

As sy weer sien sit sy en Hugo op ’n vliegtuip op pad Mauritius toe, die tropiese eiland van liefde …

Kyk hier na die lusmaker

Vir Altyd sal op 12 Februarie 2016 landwyd begin draai en SARIE tree as trotse mediavennoot op.

Lees ook

The post KYK DIT NOU: Vir Altyd-lusmaker appeared first on SARIE.

↧

Morné Morkel en Roz Kelly se eersteling gebore

September 10, 2015, 12:36 am

≫ Next: Leon Schuster gaan weer trou

≪ Previous: KYK DIT NOU: Vir Altyd-lusmaker

Die Protea-bouler Morné Morkel en sy Australiese vrou, Roz Kelly, het verlede Donderdag hul eersteling verwelkom.

Roz, ’n blogger en voormalige nuusleser, het die babanuus op ’n oulike manier met haar duisende Instagram-aanhangers gedeel.

Hul seuntjie, Arias Flynn Morkel, is op 3 September gebore.

Instagram doesn’t have a pride rock so this is the best we could do: Arias Flynn Morkel – rockin our world since 03.09.15 #hakunamatata #circleoflife

A photo posted by ↞ Roz Kelly Morkel ↠ (@roz.kelly.morkel) on Sep 9, 2015 at 11:31pm PDT

Alhoewel die paartjie nog nie foto’s van hul kleinding gedeel het nie, is ons seker hy het sy ouers se goeie gene geërf.

Baie geluk Morné en Roz!

Lees ook

The post Morné Morkel en Roz Kelly se eersteling gebore appeared first on SARIE.

↧

Leon Schuster gaan weer trou

September 10, 2015, 1:33 am

≫ Next: GERUG: Beyoncé en Jay Z se $1 miljard-egskeiding

≪ Previous: Morné Morkel en Roz Kelly se eersteling gebore

Die komediant Leon Schuster het aan Netwerk 24 vertel hy beplan om sy vriendin, Amanda Coetzee, oor twee maande te vra om te trou.

Hy wil graag die groot vraag op haar verjaardag, 12 November, vra. Alhoewel daar twee dekades tussen hulle is, is hulle dolgelukkig. Volgens Netwerk 24 het hulle in 1999 ontmoet en ’n verhouding gehad, maar dit het nie uitgewerk nie. Nadat hulle mekaar weer verlede jaar raakgeloop het, het hulle weer probeer en dié keer is dit net reg.

Leon het in Oktober 2013 aan SARIE vertel een van sy grootste vrese is om alleen oud te word.

“Ek sal dit laaik om ’n vrou te hê met wie ek oor die weg kom. Dís waar ek ’n leemte het.” Hy het gesê hy soek iemand wat hom kan ondersteun. Liefhet. Die bedryf verstaan. “Daarom sal dit ’n baie spesiale girl moet wees.

“Ek’s bang daarvoor. Ek sal graag ’n partner aan my sy wil hê vir my oudag. Ek sien die ellende van oumense in die ouetehuis in Bloemfontein waar my ma, Jessie, bly. Ek’s van kleintyd af baie na aan haar. Sy is nou 92. Haar dood is onafwendbaar en dis ’n groot vrees … dáái hartseer wat ek antisipeer. Daarom, veral, hoop ek om dan iemand in my lewe te hê wat my deur só ’n tragiese gebeurtenis kan bystaan,” sê Leon.

“Ek soek ’n vrou wat vir my hart gaan, wat vir Leon die mens gaan.”

Ons is baie bly dat Leon dié vrou gevind het! Alle voorspeod vir julle!

Lees ook

The post Leon Schuster gaan weer trou appeared first on SARIE.

↧

GERUG: Beyoncé en Jay Z se $1 miljard-egskeiding

September 10, 2015, 2:43 am

≫ Next: FOTO’S: Dis ek, Anna-ster Charlenè Brouwer se sprokiestroue

≪ Previous: Leon Schuster gaan weer trou

Selfs nie $1 miljard (R13.8 miljard) is genoeg om geluk te koop nie! Volgens Hollywood Life doen gerugte die rondte dat een van Hollywood se rykste glanspare, Beyoncé en Jay Z, se paadjies binnekort gaan skei.

Die 34-jarige Single Ladies-sangeres is glo siek en sat daarvoor om voor te gee dat hulle gelukkig is. ’n Bron in haar binnekring sê sy vermy die media sodat sy nie hoef te verduidelik waarom hulle nog nie ’n tweede kind het nie.

Volgens die bron Beyoncé het reeds aan familie en vriende gesê sy wil net aanbeweeg. Sy gaan glo binnekort die nuus aan die wêreld bekend maak.

Dit is nie die eerste keer dat daar oor Beyoncé en Jay Z se huwelik bespiegel word nie. Life & Style het verlede jaar berig dat jaloesie, buite-egtelike verhoudings en hewige stryery ’n meer akkurate beskrywing van dié verhouding is.

Tog lyk die gesin heel gelukkig op dié foto wat Beyoncé onlangs op Instagram gedeel het.

A photo posted by Beyoncé (@beyonce) on Aug 21, 2015 at 4:15pm PDT

Beyoncé en Jay Z het op 4 April hul sewende huweliksherdenking gevier. Hul 3-jarige dogter, Blue Ivy, is hul enigste kind.

Bronne: Hollywood Life en Life & Style

Lees ook

The post GERUG: Beyoncé en Jay Z se $1 miljard-egskeiding appeared first on SARIE.

↧

FOTO’S: Dis ek, Anna-ster Charlenè Brouwer se sprokiestroue

September 10, 2015, 4:49 am

≫ Next: Só het Kaley Cuoco-Sweeting haar vietse lyfie gekry

≪ Previous: GERUG: Beyoncé en Jay Z se $1 miljard-egskeiding

Die pragtige Charlenè Brouwer met haar blonde, kortgeknipte hare laat jou twee keer kyk. Geen wonder nie, want sy is op pad om ′n blink ster in die Afrikaanse filmbedryf te word.

FOTO: Andstory

Charlenè speel die hoofrol in Dis ek, Anna wat op 23 Oktober landwyd begin draai. Dit is die fliek van die bekroonde boek met dieselfde naam deur Anchien Troskie wat in 2004 opspraak gemaak het.

Charlenè is onlangs getroud en ons het met haar gesels oor haar en haar man, Niel van Deventer, se mooiste dag.

Hulle het byna sewe jaar gelede ontmoet deur gemeenskaplike vriende, sy ’n jong aktrise en hy ’n aspirant-musikant. Hul verhouding is gebou op ’n lang vriendskap.

FOTO: Andstory

“Ons is in Augustus op die Bon Cap-wynlandgoed by Robertson getroud,” vertel Charlenè. Sy het sprokiesmooi gelyk in ’n kantrok met ’n lae rug. Die dag was gevul met vriendskap en liefde.

Sy en Niel het in die Kaap op Fynbosstrand wittebrood gehou omdat hulle twee weke ná die troue by die kykNET Silwerskermfees moes wees vir die première van Dis ek, Anna. “Dit was onbeskryflik mooi en baie privaat. Daar is nie ’n mooier land as Suid-Afrika nie! Ons het ook op pad huis toe ná die Silwerskermfees Namakwaland besoek,” vertel Charlenè.

FOTO: Andstory

Al is hulle nou byna ′n maand getroud, is die lekkerste vir haar dat niks verander het nie. “Ons is steeds dieselfde Charlenè en Niel,” vertel sy. “Die lekkerste gevoel is om te weet (regtig te weet) ek het my veilige vesting.”

Op die vraag of hulle gou met ′n gesin wil begin, antwoord Charlenè:

“Ons wil beslis ’n gesin hê. Ek en Niel gaan waarheen die lewe ons lei. Dis ek, Anna en ander projekte is in hierdie stadium ons eerste prioriteit, maar jy weet nooit waarheen jou pad lei nie. Ons wil baie graag ons werk daarop toespits om kinders te help en op te hef. Daar is baie kinders in hierdie wêreld wat net liefde nodig het …”

Blaai hier deur hul troufoto’s wat deur Andstory geneem is:

(Volg Andstory op Instagram en Facebook).

« »

FOTO: Andstory

Hier is die lokprent van Dis ek, Anna waarin Charlenè die hoofrol vertolk.

Lees ook

The post FOTO’S: Dis ek, Anna-ster Charlenè Brouwer se sprokiestroue appeared first on SARIE.

↧

Só het Kaley Cuoco-Sweeting haar vietse lyfie gekry

September 10, 2015, 5:03 am

≫ Next: VIDEO: Dís hoekom jy nie met ’n selfiestok bestuur nie

≪ Previous: FOTO’S: Dis ek, Anna-ster Charlenè Brouwer se sprokiestroue

The Big Bang Theory-aktrise Kaley Cuoco-Sweeting moes heelwat aan haar leefwyse verander om haar vietse lyfie te bekom. Sy pronk met haar gesonder, gespierde lyf op die nuutste voorblad van Shape.

Die 29-jarige miljoenêr het aan dié tydskrif vertel dat sy nog nooit tydens haar loopbaan so hard gewerk het om goed te lyk nie, maar voeg dan vinnig by dat sy nie haarself uithonger of té veel oefen nie.

Haar matige benadering werk duidelik! Danksy joga (vyf dae per week) en ’n gemorskosvrye dieet het Kaley byna 3 kg oor die laaste 3 maande verloor.

A photo posted by Kaley Cuoco (@kaleycuoco) on Apr 2, 2013 at 2:17pm PDT

People berig verder dat Kaley ook soms haarself ’n blaaskans gee. Sondae sal sy haarself met pizza en ’n drankie bederf.

Kaley se tennisspeler-man, Ryan Sweeting, is gaande oor haar nuwe voorkoms. Die paartjie het in 2013 getrou.

A photo posted by Kaley Cuoco (@kaleycuoco) on Jun 20, 2014 at 12:33am PDT

Bronne: Shape en People

Lees ook

The post Só het Kaley Cuoco-Sweeting haar vietse lyfie gekry appeared first on SARIE.

↧

VIDEO: Dís hoekom jy nie met ’n selfiestok bestuur nie

September 10, 2015, 5:06 am

≫ Next: Elizma Theron is weer swanger!

≪ Previous: Só het Kaley Cuoco-Sweeting haar vietse lyfie gekry

’n Stuurwiel en ’n selfiestok moenie op dieselfde tyd gebruik word nie.

Nie oortuig nie? Dié 8 sekonde lange video, wat al meer as 100 000 keer gekyk is, wys jou hoekom:

Lees ook

The post VIDEO: Dís hoekom jy nie met ’n selfiestok bestuur nie appeared first on SARIE.

↧

Elizma Theron is weer swanger!

September 10, 2015, 5:09 am

≫ Next: FOTO: Sienna Miller is nou ’n rooikop

≪ Previous: VIDEO: Dís hoekom jy nie met ’n selfiestok bestuur nie

Die Afrikaanse sangeres Elizma Theron het pas op haar Facebook-blad aangekondig dat sy haar tweede baba verwag.

In die oulike aankondiging hou haar eersteling, Eli-zé, ’n bordjie vas waarop staan dat sy ’n boetie of sussie gaan kry.

Eli-zé wil ons opwindende nuus met julle deel. :D!!!!!

Posted by Elizma Theron on Thursday, September 10, 2015

Elizma en haar man, Nico Grobbelaar, is in 2012 getroud en Eli-Zé is op 20 Februarie 2014 gebore.

Lees ook

The post Elizma Theron is weer swanger! appeared first on SARIE.

↧

FOTO: Sienna Miller is nou ’n rooikop

September 10, 2015, 6:41 am

≫ Next: Antonio Banderas hou sy lyf mode-ontwerper

≪ Previous: Elizma Theron is weer swanger!

Die aktrise Sienna Miller het haar blonde hare rooi gekleur, berig Entertainment Tonight.

Sy het haar nuwe haarkleur by die bekendstelling van haar suster, Savannah Miller, se nuwe modereeks, Nine, vir die eerste keer gewys.

A photo posted by InStyle Greece (@instylegreece) on Sep 9, 2015 at 3:45am PDT

Sienna is op die voorblad van die Britse Vogue se Oktober-uitgawe en daarop het sy steeds blonde hare. In die onderhoud met Vogue vertel sy dit is vir haar wonderlik om ’n ma te wees, alhoewel haar lewe baie meer chaoties is en sy gedurig moeg is. Sy bieg ook dat sy wens sy kon haar tyd beter bestuur om ’n super-ma te wees.

Die American Sniper-aktrise se loopbaan het vanjaar geblom. Sy is tans besig met vyf flieks wat oor die volgende twee jaar in teaters sal verskyn.

Bronne: Entertainment Tonight en Vogue

Lees ook

The post FOTO: Sienna Miller is nou ’n rooikop appeared first on SARIE.

↧

Antonio Banderas hou sy lyf mode-ontwerper

September 10, 2015, 6:49 am

≫ Next: PRAGFOTO’S van Justin Timberlake se seun PLUS dít was sy eerste woord

≪ Previous: FOTO: Sienna Miller is nou ’n rooikop

Van Assassins tot The Mask of Zorro, ons het al oor die jare vir die akteur Antonio Banderas in ’n paar interessante kostuums gesien, en nou is hy een van die dae self ’n modeontwerper, berig Hello!

Die Spanjaard het verlede maand trots aangekondig dat hy nou ’n student by die wêreldbekende ontwerpskool Central Saint Martins in Londen, Engeland, is. Hy volg dus in die mode-voetspore van bekende ontwerpers soos Stella McCartney en Alexander McQueen.

“… Ek het die tyd van my lewe by Central Saint Martins,” het dié foto se onderskrif gelees wat Antonio met sy duisende Instagram-volgelinge gedeel het.

A photo posted by Antonio Banderas (@antoniobanderasoficial) on Sep 8, 2015 at 3:34am PDT

Maar hoekom sal ’n 55-jarige akteur met ’n netto waarde van $45 miljoen (meer as R600 miljoen) sy lyf modeontwerper hou? Volgens The Hollywood Reporter is dit iets wat Antonio al lank wil doen en hy glo dat daar ’n leemte in mansmode is. Hy wil veral mantels vir mans ontwerp, en wie nou beter as Zorro om dié tydlose moulose jasse te maak.

Antonio-aanhangers hoef nie te bekommerd te wees nie: Die akteur, wat al in 92 flieks gesien is, beplan om in die toekoms nog flieks te maak.

Bronne: Hello! en The Hollywood Reporter

Lees ook

The post Antonio Banderas hou sy lyf mode-ontwerper appeared first on SARIE.

↧

PRAGFOTO’S van Justin Timberlake se seun PLUS dít was sy eerste woord

September 11, 2015, 2:12 am

≫ Next: Nuwe liefde vir Gwen Stefani?

≪ Previous: Antonio Banderas hou sy lyf mode-ontwerper

Sanger en akteur Justin Timberlake het al voorheen gesê vaderskap is die wonderlikste ding wat al ooit met hom gebeur het. Hy was ook natuurlik baie in sy skik toe klein Silas se eerste woord “dada” was, berig Hello!

Die 34-jarige Grammy-wenner het dié nuus op Jimmy Fallon se bekende geselsprogram, The Tonight Show, gedeel.

Whoa, baby! @JTimberlake shares some pictures of his new sonhttps://t.co/Tm6CHM545H pic.twitter.com/5fYxDLJ2Fa

— Fallon Tonight (@FallonTonight) September 10, 2015

Maar die vyf maande oue seuntjie se ma, die aktrise Jessica Biel, hoef glad nie sleg te voel nie, want Justin was eintlik “skelm” – hy het Jimmy se bababoek, Your Baby’s First Word Will Be Dada, gebruik om die uitkoms te waarborg.

Justin en Jessica is in 2012 getroud en hul eersteling, Silas, is vanjaar op 11 April gebore.

Bronne: Hello! en Daily Mail

Lees ook

The post PRAGFOTO’S van Justin Timberlake se seun PLUS dít was sy eerste woord appeared first on SARIE.

↧

Nuwe liefde vir Gwen Stefani?

September 11, 2015, 2:27 am

≫ Next: Pink gee nie om, om ‘vet en gelukkig’ te wees nie

≪ Previous: PRAGFOTO’S van Justin Timberlake se seun PLUS dít was sy eerste woord

Slegs etlike weke ná Gwen Stefani aangekondig het dat sy gaan skei, is daar reeds gerugte dat sy en haar mede-aanbieder op The Voice, die sanger Blake Shelton, ’n paartjie is, berig Hello!.

Gwen en Blake, wat ook besig is om te skei, het na bewering op mekaar se skouers gehuil ná hul huwelike verbrokkel het en het toe verlief geraak. ’n Bron op die stel van The Voice het aan Life & Style gesê die twee is baie danig met mekaar, veral noudat albei enkellopend is.

Blake was vir tien jaar met die country-sangeres Miranda Lambert getroud.

Bronne: Hello! en Life & Style

Lees ook

The post Nuwe liefde vir Gwen Stefani? appeared first on SARIE.

↧

Pink gee nie om, om ‘vet en gelukkig’ te wees nie

September 11, 2015, 3:13 am

≫ Next: Patrick ‘McDreamy’ Dempsey gaan in Bridget Jones-fliek speel

≪ Previous: Nuwe liefde vir Gwen Stefani?

Sangeres Pink is ’n selferkende kosliefhebber, wat graag goeie kaas en wyn geniet. Food & Wine berig dat dit haar min sou pla om “vet en gelukkig” te wees.

Die 36-jarige ma, wat seker maak dat sy ’n positiewe liggaamsbeeld aan haar dogter, Willow, oordra, hou ook daarvan om tydens vakansies kookklasse te neem. Sy het verlede jaar vir vyf dae na Frankryk gereis waar sy onder meer croissants leer maak het.

Volgens E! Online eet Pink baie wanneer sy op toer is, want die ure se joga, kardiovaskulêre oefening én optredes kan jou nogal honger maak. Sy bieg tog dat sy sukkel om dié eetgewoontes ná ’n toer weer af te leer, maar om “vet en gelukkig” te wees klink nie vir haar soos ’n slegte idee nie.

Pink het vroeër dié jaar kritici aangevat wat haar oorgewig genoem het. Sy het gesê hulle moet hulle nie oor haar gewig bekommer nie, want dit bekommer háár glad nie en dat haar gesonde lyf ’n blaaskans verdien.

Pink en haar man, Carey Hart, is in 2006 getroud. Hul dogter, Willow, is vier jaar oud.

pic.twitter.com/aB09HlzYd4

— P!nk (@Pink) January 1, 2015

Bronne: Food & Wine en E! Online

Lees ook

The post Pink gee nie om, om ‘vet en gelukkig’ te wees nie appeared first on SARIE.

↧

Patrick ‘McDreamy’ Dempsey gaan in Bridget Jones-fliek speel

September 11, 2015, 4:16 am

≫ Next: Penélope Cruz knip haar hare kórt

≪ Previous: Pink gee nie om, om ‘vet en gelukkig’ te wees nie

Die Hollywood-hunk Patrick Dempsey sal in die derde Bridget Jones-fliek te sien wees, berig Coming Soon.

Renée Zellweger en Colin Firth sal weer die hoofrolle as Bridget en haar aan-en-af- kêrel, Mark Darsy, vertolk. Sharon Maguire, wat die regisseur van die eerste Bridget Jones-fliek in 2001 was, sal weer dié rol oorneem vir die derde fliek. Maar Hugh Grant sal nie weer sy verskyning maak nie.

Hoewel die storielyn so ver moontlik geheim gehou word, kan ons verklap dat Bridget in die komende fliek ’n baba gaan kry. Nou is die vraag net of die baba Mr Darsy of die nuwe karakter, wat McDreamy gaan vertolk, s’n gaan wees?

Volgens Variety is dit Patrick se eerste fliek sedert Transformers: Dark of the Moon wat in 2011 bekend gestel is. Hy is bekend vir sy rol as dr. Derek Shepard in die gewilde TV-reeks Grey’s Anatomy.

Bron: Coming Soon en Variety

Lees ook

The post Patrick ‘McDreamy’ Dempsey gaan in Bridget Jones-fliek speel appeared first on SARIE.

↧

Penélope Cruz knip haar hare kórt

September 11, 2015, 5:47 am

≫ Next: Jennifer Lawrence google soms haarself

≪ Previous: Patrick ‘McDreamy’ Dempsey gaan in Bridget Jones-fliek speel

Hollywood-aktrise Penélope Cruz is op die voorblad van die Spaanse Vogue se September-uitgawe met ’n kortgeknipte pixie-haarstyl.

Die 41-jarige skoonheid het haar kenmerkende lang, donker hare verruil vir ’n kort styl wat aan dié van Audrey Hepburn herinner.

Die première van haar nuutste fliek, Ma Ma, waarvan sy ook die vervaardiger is, is op 15 September by die Toronto-filmfees, berig Deadline.

A photo posted by Vogue España (@voguespain) on Aug 24, 2015 at 11:38am PDT

Bronne: Vogue en Deadline

Lees ook

The post Penélope Cruz knip haar hare kórt appeared first on SARIE.

↧

Jennifer Lawrence google soms haarself

September 11, 2015, 6:42 am

≫ Next: FOTO’S: Mandi Baard wys haar gesin

≪ Previous: Penélope Cruz knip haar hare kórt

Die Oscar-bekroonde aktrise Jennifer Lawrence was verlede jaar een van die mees gesoekte bekendes op Google. Hello! berig sy het ook al haar eie naam in dié soekenjin ingetik om te sien wat die publiek van haar dink.

Maar hoekom sal die hoogs betaalde aktrise ter wêreld haar aan ander se opinies steur? Jennifer vertel toe sy 22 was, het sy “Jennifer Lawrence lelik” gegoogle. Daar het natuurlik ’n brokkie of twee opgekom. Al weet sy dis ’n mors van tyd om daaroor te tob, pla dit haar tog en sy gee wel om wat mense van haar dink.

Volgens People is daar darem lig aan die einde van die tonnel. Jennifer fokus nou op die belangrike dinge in die lewe, is net haarself en het wonderlike vriende wat haar ondersteun.

Bronne: Hello! en People

Lees ook

The post Jennifer Lawrence google soms haarself appeared first on SARIE.

↧

FOTO’S: Mandi Baard wys haar gesin

September 14, 2015, 12:00 am

≫ Next: Vir Altyd: Ontmoet die karakters

≪ Previous: Jennifer Lawrence google soms haarself

Die aktrise en TV-aanbieder Mandi Baard se pragtige gesin het vandeesmaand ’n lid ryker geword. Mandi en haar man, Schalk, se dogtertjie, Sumé, is byna 2 weke oud en hulle het reeds dié familiefoto’s laat neem.

Hul eersteling, Jeandré, het gister sy tweede verjaardag gevier. Hy deel sy verjaardag met Pa Schalk.

Mandi het dié foto’s op haar Facebook-blad gedeel.

Posted by Marcell Meyer Photography on Sunday, September 13, 2015

Al die foto’s is geneem deur Marcell Meyer Photography. Kliek HIER vir nog foto’s uit dié fotosessie.

Lees ook

The post FOTO’S: Mandi Baard wys haar gesin appeared first on SARIE.

↧

Vir Altyd: Ontmoet die karakters

September 14, 2015, 12:32 am

≫ Next: Koningin Elizabeth skryf brief aan 6-jarige meisie

≪ Previous: FOTO’S: Mandi Baard wys haar gesin

Verlede week het ons vir julle ’n lusmaker gewys van Donnalee Roberts en Ivan Botha se nuutste fliek, Vir Altyd, en nou is dit tyd om die karakters te ontmoet.

Eerste aan die beurt is Caylem Else en Nicky de Kock wat die jonger weergawes van Nina (Donnalee) en Hugo (Ivan) vertolk.

Hou SARIE.com oor die volgende paar weke dop om nóg karakters te ontmoet.

Vir Altyd sal op 12 Februarie 2016 landwyd begin draai en SARIE tree as trotse mediavennoot op.

Lees ook

The post Vir Altyd: Ontmoet die karakters appeared first on SARIE.

↧

Koningin Elizabeth skryf brief aan 6-jarige meisie

September 14, 2015, 1:53 am

≫ Next: FOTO: Gwen Stefani se nuwe haarstyl

≪ Previous: Vir Altyd: Ontmoet die karakters

Melissa Poll, ’n 6-jarige meisie van Engeland, het vir koningin Elizabeth na haar verjaardagpartytjie genooi. Sy het ’n uitnodiging na Buckingham-paleis gestuur en kry sowaar ’n antwoord van die koningin, berig Hello!.

Melissa het onlangs Buckingham-paleis saam met haar ouma Denise Hurst besoek. Hulle kon egter nie die binnekant van die paleis sien nie en Melissa was baie teleurgesteld. Haar ouma wys haar toe die tuin en sê dis waar koningin Elizabeth partytjies hou. Net daar het Melissa besluit om die koningin na haar eie verjaardagpartytjie te nooi.

Die koningin se persoonlike assistent het namens haar per brief geantwoord dat sy jammer is dat Melissa nie die paleis van binne kon sien nie. Sy het haar genooi om die somer-opedag by te woon en pamflette oor die paleis saam met die brief gestuur.

Die assistent het ook namens die koningin verduidelik dat sy nie die partytjie kan bywoon nie, maar dat Melissa dit baie moet geniet.

Denise het aan Manchester Evening News gesê Melissa was teleurgesteld dat koningin Elizabeth nie op 27 September by die partytjie sal wees nie, maar in dieselfde asem was sy verjeug dat die koningin vir haar geskryf het.

Bronne: Hello! en Manchester Evening News

Lees ook

The post Koningin Elizabeth skryf brief aan 6-jarige meisie appeared first on SARIE.

↧

FOTO: Gwen Stefani se nuwe haarstyl

September 14, 2015, 3:09 am

≫ Next: Candice Swanepoel val op New York-loopplank

≪ Previous: Koningin Elizabeth skryf brief aan 6-jarige meisie

By die sangeres Gwen Stefani is verandering die enigste bestendigheid. Die afgelope paar weke het sy aangekondig dat sy gaan skei, sy het glo ’n nuwe liefde gevind en nou spog sy boonop met ’n nuwe haarstyl.

Die 45-jarige “Rich Girl”-sangeres het dié foto van haar kleurryke nuwe haarstyl met haar 1,7 miljoen Instagram-volgelinge gedeel .

A photo posted by Gwen Stefani (@gwenstefani) on Sep 11, 2015 at 4:10pm PDT

Lees ook

The post FOTO: Gwen Stefani se nuwe haarstyl appeared first on SARIE.

↧