Onthou julle nog vir Super Mario die videospeletjieheld wat nie skroom om sy hande vuil te smeer nie? In die speletjie is jy Mario en jou speelmaat sy jonger broer, Luigi. Saam is julle ’n vindingryke span wat allerlei uitdagings die hoof kan bied.
Die speletjie, wat in 1983 deur Nintendo vrygestel is, het al baie ander speletjies sien kom en gaan. Oor die jare het die karakter Mario diep in harte gekruip – so diep dat selfs die Japanse premier, Shinzo Abe, by die sluitingseremonie van die Olimpiese Spele in Rio verlede jaar met ’n hoed soos dié van Mario op sy kop verskyn het. Dit was om voorbrand te maak vir 2020 se Spele in Tokio.
Deesdae is Mario ’n “hip dude” wat graag sport doen. Volgens Nintendo is die “nuwe” Mario nie meer net ’n loodgieter nie, maar eerder ’n sportentoesias wat alles van tennis tot bofbal en sokker beoefen.
Ons sien uit om te sien wat Mario alles gaan vermag in die opbou tot die Spele!
The post Super Mario nie meer net ’n loodgieter! appeared first on SARIE.