Die glanspaar Kim Kardashian en Kanye West het toe nie hul babaseun Easton genoem nie. Volgens Huffington Post het hulle op die naam Saint West besluit.
Die 35-jarige realiteitster het die nuus op verskeie sosialemedia-platforms bekend gemaak.
SAINT WEST pic.twitter.com/xZGpY7z8KW
— Kim Kardashian West (@KimKardashian) December 7, 2015
Sy het ook op haar webtuiste geskryf Saint, wat op 5 Desember in die wêreld gebring is, het by geboorte 3,65 kg geweeg.
Nie almal hou van dié babanaam nie.
Steeds het talle boodskappe van gelukwensing vir die gesin op sosiale media ingestroom. Hulle het volgens Hollywood Life glo ook ’n oproep van gelukwensing ontvang van die hertog en hertogin van Cambridge, prins William en Kate. Die Hollywood-“koninklikes” was blykbaar verras en beïndruk deur dié spesiale oproep.
Kim en Kanye is in 2014 getroud. Hul eersteling, North West, is in 2013 gebore.
Bronne: Huffington Post en Hollywood Life
Lees ook
- Kim Kardashian se seun gebore PLUS Twitter kies sy naam
- FOTO’S: Kim Kardashian se ooievaarsparty
- Dié bekendes is nie aanhangers van Kim Kardashian nie
The post Kim Kardashian se babanaam onthul PLUS prins William se oproep van gelukwensing appeared first on SARIE.