Op Ceres, in die hartjie van die Wes-Kaap, het die voormalige 7de Laan-aktrise Andrea Streso gister met Hoffman van Zyl getrou. Die geleentheid by Olive Rock is deur 100 gaste bygewoon, onder andere twee lede van haar 7de Laan-familie, Hildegardt Whites (Bonita) en Corné Crous (Kim).
“Olive Rock was onmiddellik my gunsteling. Die omgewing is prentjiemooi en die onthaalplek baie natuurlik. Dit pas perfek by die gemaklike, natuurlike gevoel wat ons wil skep vir die aand,” het Andrea voor hul troue aan SARIE.com vertel.
Andrea het op ’n dwarsfluit-en-klavier-verwerking van Enya se “Only Time” ingestap. Vir Andrea was een van die spesiale oomblikke van die dag toe Hoffman se pa hulle in die huwelik bevestig het.
Haar eenvoudige, elegante rok is deur Magda Grové ontwerp.
“Dis so maklik om weg te raak tussen die opinies, voorstelle en idees van ontwerpers, bruid-tydskrifte en Pinterest dat jy vinnig jouself en jou eie styl as bruid verloor. Daarom is dit so belangrik om ’n ontwerper te vind wat verstaan wat jy wil hê.”
Andrea en Hoffman se troue het nie ’n spesifieke kleurskema gehad nie. “Die beeldskone omgewing sorg reeds vir die mooiste dekor – ons hoef eintlik net liggies op te sit. Ek het glad nie gefokus op spesifieke kleure nie, maar eerder op kleurryke veldblomme, groenigheid en gevoel van rou hout.”
Andrea en Hoffman se sprokiestroue
A photo posted by AJ Nel (@ajnel84) on
Hoffman & Andrea #touknoop 19/03/2016
A photo posted by Judika Nel (@judika_nel) on
Andrea & Hoffman Trou! #touknoop
A photo posted by Linya (@linyagreyling) on
Die paartjie gaan ná hul wittebrood in Venesië terugkeer Nederland toe.
Baie geluk, Andrea en Hoffman!
Hou SARIE.com dop vir die paartjie se amptelike troufoto’s.
Lees nou
Aktrise Andrea Streso trou byna!
The post FOTO’S: Aktrise Andrea Streso se sprokiestroue appeared first on SARIE.