Ons deelnemers skitter in klank en kleur spog in SARIE Voorbladgesig op kykNET uitgesaai word. Met in die regie-stoel ’n mooi blondine wat self voor die kameras sou kon wees.

Berdene Burger van Pretoria dra met gemak verskeie hoede in die filmbedryf: vervaardiger, produksie-ontwerper, skrywer en selfs aktrise. Maar regie doen sy nou die eerste keer. Gewoonlik is dit die domein van haar man, Janhendrik.

“Dis ’n uitdaging, want hy is altyd die een wat ek vra as dit by tegniese goed kom. Maar dis goed vir ons verhouding dat ek sy wêreld beter leer ken en verstaan.”

Die twee het ontmoet op die stel van die fliek Koringberg, waarvan hy regisseur en sy mede-regisseur was. Projekte vir hul produksiemaatskappy, Meerfout Films, pak hulle deesdae saam aan: hy as regisseur en kinematograaf, sy as vervaardiger en produksie-ontwerper.

In 2014 het hul kortfliek Almon, Henry ’n benoeming by die Silwerskermfees gekry. Die draaiboek is deur Nataniël geskryf. Sedertdien behartig hulle die vervaardiging van sy leefstylprogram Edik van Nantes, en was vroeër vanjaar juis weer saam met die res van die klein span in Frankryk vir die skiet van die derde reeks, wat vanaf 4 Oktober uitgesaai word.

“Nataniël is die mees inspirerende mens wat ek ken. Hy is onbeskaamd en met oorgawe homself, al daai kostuums en juwele! Hy het dit boonop reggekry om dit in ’n sakeonderneming te omskep.”

Vervaardiging behels baie administratiewe werk en daarom moet sy haar vlerke met meer kreatiewe dinge wind gee. Sy was onder meer medeskrywer van die fliek Jou Romeo, saam met Tina Kruger en Danie Bester.

Vir SARIE se voorbladvroue sien sy kans, maar ’n kat voor die kamera, néé. “Daar was ’n regte kat op stel tydens die vervaardiging van die kortfilm Die lang kat [’n verwerking van die Chris Barnard-kortverhaal vir die Silwerskermfees in 2013]. Van klokkies tot catnip moes ingespan word om hom net sover te kry om van ’n kas af te spring!”

The post Voorbladgesig: Berdene Burger die storieverteller appeared first on SARIE.

In Paul Rothmann en Candice Boucher steek daar baie meer as wat jy op die (baie aantreklike) oppervlak kan sien. Dié bekende paartjie leef volgens hul eie reëls … en dis ook hul wens vir hul klein seuntjie, wat in Maart vanjaar gebore is.

Hy is al vir 18 jaar ’n bekende gesig op TV as aanbieder van die SABC2-leefstylprogram Pasella en sy is ’n gesogte internasionale model. ’n Mens sou dink hul lewe bestaan uit rooitapyt-geleenthede, swierige partytjies en skouers skuur met rykes en bekendes. Maar Paul en Candice verklap hulle is eintlik “regte introverte”.

In die Junie 2017-uitgawe van SARIE erken hulle die kollig is ’n moeilike plek om te wees as jy so ’n soort mens is. Maar hulle praat ook oor die “gom” in hul verhouding en hul wense vir klein Wolfe.

“Kyk, as ons vir sommige mense sê ons kind se naam is Wolfe, kyk hulle ons snaaks aan,” lag Paul. “Maar sy naam het ’n dieper betekenis. Ek en Candice het albei sedert kleintyd ’n voorliefde vir wolwe en die maan. My groot filosoof-held is Friedrich Nietzsche, wat gesê het ‘die samelewing leer ’n wolf om ’n hond te wees, en die mens is die makste dier van almal’. My wens vir ons seun is dat hy sy ongetemdheid sal behou en nie toelaat dat die samelewing vir hom voorskryf wie hy moet wees nie.”

Hulle wil dié lewenslus en -vreugde ook in Wolfe troetel en aanmoedig. “Ons wil hom aan soveel moontlik blootstel en hom toelaat om die lewe self te ontdek. Ek dink dis baie belangrik, al is dit moeilik, om as ouer te onthou jou kinders is nie joune nie – hulle is hul eie mense. Jy wil die beste vir hulle hê en ’n goeie mens grootmaak, maar jy moet onthou jy gaan nie altyd ’n invloed op hul besluite hê nie. Die beste wat jy kan doen, is om seker te maak jy is self ’n gelukkige mens, want dan sal jou kind ook gelukkig wees. Dís tog die beste ding wat jy vir jou kind kan toewens.”

FOTO Leana Clunies-Ross

FOTO Leana Clunies-Ross

FOTO Leana Clunies-Ross

FOTO Leana Clunies-Ross

FOTO Leana Clunies-Ross

FOTO Leana Clunies-Ross

FOTO Leana Clunies-Ross

FOTO Leana Clunies-Ross

FOTO Leana Clunies-Ross

The post FOTO’S: Paul en Candice se Wolfe appeared first on SARIE.

Die Hollywood-ster Margot Robbie is nie net ’n mooi gesiggie nie, maar ook ’n talentvolle aktrise. Sy het reeds uiteenlopende rolle in flieks soos The Wolf of Wall Street, Tarzan en Suicide Squad vertolk. Nou het sy in koningin Mary van Skotland getransformeer vir nog ’n nuwe rol.

Hier’s die Margot wat op die rooi tapyt koppe laat draai:

A post shared by ___Margot Elise Robbie ♡ (@robbieupdates) on Aug 21, 2017 at 8:09pm PDT

A post shared by Becky Coates (@beckcoat) on Aug 21, 2017 at 1:35pm PDT

As die superheldin (superskurk?) Harley Quinn in Suicide Squad:

A post shared by Puddin❤️ (@jared.is.my.puddin) on Aug 21, 2017 at 8:56pm PDT

A post shared by @margotrobbie on Oct 28, 2015 at 9:01am PDT

En nou op die stel van Mary Queen of Scots:

A post shared by Giro Pop (@giro_pop) on Aug 21, 2017 at 4:15pm PDT

A post shared by Buro 24/7 Mongolia (@buro247mongolia) on Aug 21, 2017 at 9:04pm PDT

A post shared by loscritters (@loscritters) on Aug 21, 2017 at 4:29pm PDT

A post shared by Sobre Filme (@sobre_filme) on Aug 21, 2017 at 5:07pm PDT

A post shared by Cine Diva (@cine_diva) on Aug 21, 2017 at 8:57pm PDT

Sou jy haar herken? Ons moes twee keer kyk! 

The post Margot Robbie is onherkenbaar in nuwe rol appeared first on SARIE.

Die pragtige Jessica Alba, ’n Hollywood-ster en sakevrou, is vir ’n derde keer swanger. En sy straal behoorlik! 

Jessica is al vir 9 jaar met die vervaardiger Cash Warren getroud. Die paartjie het reeds twee dogters, Honor Marie (9) en Haven Garner (6). Wie weet dalk is dit hierdie keer ’n seuntjie?

Kyk net hoe straal sy:

A post shared by Jessica Alba (@jessicaalba) on Aug 21, 2017 at 6:07pm PDT

Love being preggers w my baby boo #BossLady @jkroogr

A post shared by Jessica Alba (@jessicaalba) on Aug 8, 2017 at 1:54pm PDT

Had an awesome afternoon w the fam! So grateful my Grampers n Grammers made it out today! Love my family so much! #blessed #fathersday

A post shared by Jessica Alba (@jessicaalba) on Jun 18, 2017 at 4:42pm PDT

#Repost @honest 10 MILLION diapers donated! Every day your Honest purchases help support our community impact work. Today we are thrilled to share that with your help we just reached this incredible milestone. Read more about our 10 millionth diaper donation and our ongoing work with our awesome, non-profit partners like @Baby2Baby. | Link in bio! #NationalNonProfitDay

A post shared by Jessica Alba (@jessicaalba) on Aug 18, 2017 at 12:55pm PDT

The post Jessica Alba spog met babamagie appeared first on SARIE.

“Vroue kan als hê, net nie op dieselfde tyd nie.” Dis die een ding wat sy kan doen, toneelspeel. Só sê Jana Kruger wat weer in September in die jongste reeks van Erfsondes te sien is. En ja, daar was ook haar rol in Die Boekklub, maar tyd het anders besluit …

2017 het met groot planne vir aktrise Jana Kruger afgeskop. Nog ’n reeks van Erfsondes, waarin sy die hoofrol vertolk, was om die draai. En sy was opgewonde oor haar nuwe rol in die tweede reeks van Die Boekklub, wat verlede jaar een van SA se gewildste reekse op kykNET was. Toe die nuus: sy’s swanger, onverwags. Sonder dat sy dit beplan het, het die natuur haar vir eers op ’n ander pad gedwing.

Maar Jana het nog altyd geglo dinge gebeur soos dit moet. En elke kind kom op die regte tyd, ook die baba wat sy nou verwag. “Ons het hulle nie beplan nie, maar kinders is ’n geskenk en ‘gebeur’ op spesifieke tye en om bepaalde redes,” sê sy, rustig en onverstoord met haar koppie kruietee en ’n stuk sjokoladekoek in ’n seegroen gebreide rok, grys band om die kop en ’n gesonde blos op die wange – 23 weke swanger ten tyde van die onderhoud. Die baba word einde September verwag. Jana is nie spyt dat sy ’n rol in Die Boekklub 2 moes verbeur nie. Selfs al sou dit vir haar ’n eerste in dié reeks wees. “Ek sal weer ’n geleentheid kry. Om daaroor te tob is beslis nie hoe ek verkies om my energie te vermors nie.”

FOTO Leana Clunies-Ross

Maar oor haar rol as Kate Ferreira, in die sesde seisoen van die SABC2-reeks Erfsondes, uit die pen van Henriëtta Gryffenberg, is sy baie dankbaar. “Dit was ’n goeie reis. Ek en Kate – en Henriëtta – kom al so ’n lang pad. Dit is ongelooflik om saam met haar te werk. Sy is so talentvol en kreatief. Haar intriges werk net. En wat ’n gemaklike mens! Dit is ook ’n heerlike span. Van hulle werk al sedert die  eerste seisoen daarop. Die nuwe reeks het ook baie om die lyf. Onthou, die kinders [in die reeks] is nou al groot . . . daar is allerlei dinge soos leënessindroom, kinders wat studeer . . . Ek kon nie glo dat Henriëtta nog nuwe goed kon uitdink nie.”

Dit was nietemin nie ’n maklike tyd vir haar nie. Van einde Februarie tot begin April, in die eerste trimester van haar swangerskap, het sy vier dae per week opgevlieg om te gaan skiet in Johannesburg, sodat sy naweke by haar gesin kon wees.

“Ohan (7) en Luka (5) is nog klein en het my baie nodig.” En sy glo dit is belangrik om haar man, Hannes, ’n sakeman en sielkundige, te onderskraag met hul kinders se opvoeding. “Ek was naar tydens die verfilming van die reeks. Soms dalk ’n monster. Dit was partykeer vir my moeilik om vrolik te wees as ek so ellendig gevoel het,” lag sy nou.

Vanjaar, vir die eerste keer in vyftien jaar, het sy ook op die verhoog verskyn, in Vrou uit die see, ’n klassieke vertaalde stuk van die Noorweegse dramaturg Henrik Ibsen. “Henry Milne is ’n passievolle regisseur. Gesoute akteurs soos Neels van Jaarsveld, Amalia Uys, Eric Holm, Theodore Jantjies, Kaz McFadden en Natasha Dryden het dit ’n baie lekker ondervinding gemaak. Hopelik kan ek in die toekoms meer op die verhoog werk.”

FOTO Leana Clunies-Ross

Maar nou is haar fokus eers op haar gesin. “En as dit só moet wees vir die volgende tien jaar, is dit ook goed. Die tyd wat jou kinders klein is, is kort. As ek heeldag kla omdat ek nie nou kan werk nie, is ek besig om myself én hulle ’n onreg aan te doen. Ek gebruik eerder ons tyd om hulle te leer om die uitdagings van die lewe – eendag – so goed as moontlik te hanteer. Want ons almal weet daar is oorgenoeg: teleurstelling, verwerping, mislukking.”

Sy het ook besluit om van nou af as aktrise haar getroude van te gebruik, nadat Ohan gevra het hoekom haar van (Strydom) nie dieselfde as hulle s’n is nie. Sy is trots daarop om ’n vrou te wees. “Ons het nie noodwendig ’n moeiliker taak as mans nie. Ek hou nie van vergelykings nie. Maar ons lyf is die vaartuie waardeur ons ons kinders se siel in die driedimensionele wêreld instuur. En dit is ’n groot verantwoordelikheid. “Danksy my kinders het ek ’n reuse-metamorfose ondergaan. Ek is nie so selfsugtig soos wat ek vroeër was nie.”

Jana se Instagram foto’s:

Napping on mom before the new arrival shows up #TweePensiesDrieMensies #unconditionallove #consciousparenting #familyfirst #babybump

A post shared by Jana Kruger (@janastrydom) on Aug 11, 2017 at 3:51am PDT

My first real guitar #joy #4thbirthday #quarterguitar #MyNameIsLuka #consciousparenting

A post shared by Jana Kruger (@janastrydom) on Oct 20, 2016 at 11:20pm PDT

My precious… #family #love ❤️ @jdbkruger07 #consciousparenting

A post shared by Jana Kruger (@janastrydom) on Aug 21, 2016 at 12:48am PDT

A post shared by Hannes Kruger (@jdbkruger07) on Jan 27, 2017 at 10:15am PST

Lees die volledige onderhoud in SARIE se Augustus 2017-uitgawe, aanlyn hier te koop.

The post Jana Kruger: “Vroue kan als hê” appeared first on SARIE.

Saam met Lucky, die driebeen-jagluiperd in daai motoradvertensie. Só het ons Marlice van Vuuren leer ken. Die dierefluisteraar, bewaringsghoeroe en veldvrou wat Hollywood se Angelina Jolie ’n vriendin kan noem. Op die N/a’an ku sê-natuurreservaat, geleë op sowat 3 200 hektaar oos van Windhoek, het Marlice en haar man, Rudie, se bewaringsdroom in 2006 wortelgeskiet.

Rudie, ’n mediese dokter, wat sy “dierdokter”-vaardighede moes slyp en inspan. Internasionale TV-kanale soos National Geographic, BBC en CNN het al programme oor hul werk uitgesaai. Plaaslik sien ons die derde reeks van Groen: Namibië* op kykNET. Marlice tussen die wilde diere en rooi duine wat haar hart warm laat klop. “Dis wonderlik om stories van mens en dier te vertel, stories wat vertel móét word,” sê sy.

Sy vertel van die interessante wees-“kinders” wat hulle bygekry het sedert SARIE se artikel in die Julie 2016-uitgawe: “Dertien jakkalsies, twee aardwolwe, een bruin hiëna en dan normale babas.” Niks normaal aan dié werfdiere nie.

A post shared by N/a’an ku sê Foundation (@naankuse_foundation) on Aug 1, 2017 at 10:13am PDT

A post shared by N/a’an ku sê Foundation (@naankuse_foundation) on Dec 9, 2016 at 7:03am PST

In Groen: Namibië sien ons onder meer hoe Marlice die trop bobbejane op ’n wandeltog veld toe neem. Vroegoggend se draf met die aardwolwe. Bobo, ’n bobbejaan wat 17 jaar in ’n hok by ’n polisiekantoor aangehou is, ontmoet maters van haar eie spesie. “Eers bang en onseker, maar ook opgewonde om hulle te sien, te praat. Ek wou sommer huil.”

N/a’an ku sê is ’n bewaring- en navorsingsentrum en projekte is daarop gerig om die konflik tussen mens en dier te bestudeer. Om mense op innoverende maniere te #bemagtig sodat die konflik beter bestuur kan word. Die gemarginaliseerde San-mense van Namibië met hul maatskaplike, ekonomiese en politieke uitdagings lê Marliceewe na aan die hart. Die San was haar veldleermeesters op haar grootwordplaas, Harnas, en sy praat Ju/’hoansi, ’n Sandialek, vlot. Sy en Rudie het in 2003 ook die Lifeline-kliniek by Epukiro begin om gesondheidsdienste nader aan die plaaslike mense te bring. Sowat 4 500 mense word jaarliks gratis behandel.

– Kyk Groen: Namibië Woensdae om 20:30 op kykNET

The post Ontmoet Marlice van Vuuren, belle van die bos appeared first on SARIE.

Om met haar eie orkes ’n volle “show” in die Royal Albert Hall in Londen te doen is hoog op haar wenslys. Sy’s veelsydig …

Die sangeres en aktrise Edrien Erasmus, wat die rol van ’n vrouespeurder in die fliek Raaiselkind en die rol van Barta van Rooyen in die verhoogstuk Fiela se kind vertolk, is tans ook te sien in ’n eenvrou-musiekstuk, Ontbloot.

Edrien Erasmus as die speurder in Raaiselkind.
FOTO Facebook / Raaiselkind

Oor Raaiselkind, wat gisteraand (23 Augustus) die eerste keer by die sewende kykNET Silwerskermfees in Kampsbaai, Kaapstad, vertoon is, sê sy: “Dit was ’n baie emosionele reis vir my. As speurder ondervra ek almal ná ’n moord. Die gestrooptheid in sommige tonele het my dikwels laat veg om nie self emosioneel te raak nie. My karakter is ’n swart-of-wit-mens. Daar is nie in haar wêreld of beroep enige grys areas nie, maar met die spesifieke saak word sy gedwing om na die menslike sy van situasies te kyk.”

Die talentvolle Diaan Lawrenson is in die hoofrol as Ingrid Dorfling, ma van ’n seun met outisme. Die fliek is gebaseer op die gelyknamige 2001-boek deur Annelie Botes en word in Februarie volgende jaar uitgereik. Kyk die lokprent hier.

Diaan Lawrenson as die ma van ‘n seun met outisme in Raaiselkind. FOTO Facebook / Raaiselkind

FOTO Facebook / Raaiselkind

Dat die fliek op die pragtige Arniston in die Overberg verfim is, was ’n bonus. “Dis sprokiesagtig en daar is ’n bekoring aan die plaaslike kultuur. Die teendeel is waar van die gevangenis waar ons van die ander tonele geskiet het. Daar het ek die realiteit van die donker kant van ons mense besef, en dit het my weer herinner waarvoor ek alles dankbaar kan wees in my eie lewe.”

Vir Edrien het elke rol sy eie spesiale oomblikke, maar Vir die Voëls was vir haar besonders aangesien sy saam met goeie vriende gewerk het. Hulle het baie lekker gelag, vertel sy.

“Ek het al kleintyd geweet ek wil eendag toneelspeel. Ek is ’n dromer en leef 70% van die tyd in my verbeelding, in my kop, so om in iemand anders se skoene te staan is vir my ’n avontuur.” As klein dogtertjie was sy oortuig sy is ’n meermin.

Haar eerste “grootmens-werk” was in die SABC2-sepie 7de Laan. “Dit was vreesaanjaend want ek het niks geweet nie … ek het wel vinnig geleer. My karakter, Yvette, het by “Gita” se droogskoonmakery gewerk. Sepies leer ’n mens om presies te wees en elke skoot dieselfde te doen. Ek geniet die dissipline – dis nou as my OCD nie inskop nie.”

FOTO Edrien Erasmus / Facebook

Edrien is ook opgewonde oor haar sangloopbaan en vertel: “Ontbloot is ’n eenvrou-vertoning wat bestaan uit tientalle oorspronklike liedjies en stukke asook ’n kabaretnommer of twee deur my. Ek word op die klavier begelei deur Chanie Jonker en die regie word behartig deur Cobus Venter. Ons maak op 8 September ’n draai in Thabazimbi (waar ek grootgeword het) en op 10 September is ons in Pretoria by die Pierneef-teater.”

Net soos die SA komediant Trevor Noah, wat al twee keer op TIME se voorblad verskyn het (en haar rolmodel is omdat hy “nie op sy gebek geval is nie”), droom sy groot.

“Ek wil baie graag volgende jaar na die verskillende feeste toe gaan met Ontbloot, en dan het ek ook ’n film-konsep waaraan ek werk en planne vir ’n nuwe album.”

Sommer als in een sin.

Dis vir Edrien ’n voorreg om in Afrikaans te kan werk. “Afrikaans is so veelsydig. Ek glo nie daar is ’n ander taal waarin jy jouself so goed kan uitdruk nie. My gunstelingwoorde is naaldekoker, skoenlapper, stokkiesdraai, fopdosser, pierewaaier. Ek is so lief vir Afrikaans, want dis melodieus, verbeeldingryk en sterk.”

The post Silwerskerm: ‘Raaiselkind was ’n moeilike reis’ appeared first on SARIE.

Raaiselkind laat die tonge klap by die sewende kykNET Silwerskermfees. Die fliek, gegrond op die gelyknamige 2001-boek deur Annelie Botes, is gisteraand (23 Augustus) die eerste keer by die fees in Kampsbaai, Kaapstad, vertoon.

Die aktrise Diaan Lawrenson, wat die hoofrol van Ingrid Dorfling vertolk, sê sy is baie tevrede dat die skrywer haar vanoggend gelukgewens het met haar vertolking.

“Ek het die boek nie vooraf gelees nie. Ek wou die teks vars benader,” sê sy. Die verhaal handel oor die uitwerking op ’n gesin wanneer die jongste met ’n ernstige graad van outisme gediagnoseer word. ’n Tragedie volg toe die seuntjie, Alexander, dood aangetref word.

FOTO Facebook / Raaiselkind

FOTO Facebook / Raaiselkind

“Ek het baie oor outisme opgelees en met van my vriende met kinders met outisme gesels. Die grootste uitdaging was om die fases van uitputting waardeur Ingrid in elke toneel gaan, uit te beeld. Teen die vierde week was haar lewe mý lewe.”

Wanneer sy dink aan haar eie kinders, Olivia (7) en Thomas (4), kan sy haar nie indink hoe moeilik dit moet wees om ’n kind soos Alexander te versorg nie. “Ek het baie respek vir Ingrid en het gewonder wánneer sy gaan knak. Maar sy het nie. Dit was ook moeilik om ’n plek in myself te vind om daardie sterkte uit te beeld.”

Met Susters, ’n komiese fliek wat in Desember uitgereik word waarin sy saam met die sangeres Leah en Quanita Adams te sien sal wees, was sy weke lank weg van die huis. “Ons het 4 000 km deur die land gery om te skiet. Van Pretoria tot in die Noord-Kaap. Later in Kaap Agulhas. En Jodi [Abrahams, haar akteurman] het na die kinders gekyk – hulle is so ondersteunend.”

In die nuwe fliek is sy Jo, ’n modeontwerper wat in Londen woon. “Sy is ’n aangenome kind en worstel met moederskap – die balans tussen werk en ma-wees. Deur ná hul ma se dood met haar susters te konnekteer kry sy dit reg om weer met haar kinders te konnekteer.”

Diaan het dit geniet om haar medesterre as pêlle te leer ken en nuwe vriendskappe te smee. “Op mý ouderdom [39], gaan dit oor daardie magiese oomblikke – oor verhoudings – wanneer ’n mens skiet.”

Die gedagte aan 40 het aanvanklik vir haar effens “wankelrig” laat voel, maar nou sien sy uit daarna. Sy en Jodi stel binne die volgende drie maande drie programme vir Via (DStv-kanaal147) bekend: Bruno (oor ’n medium van Kaapstad wat met dooies praat), Die Skatties (’n program waar vroue soos ’n pin-up gestileer word), en Wat’s in ’n naam, waar sy, Jodi en die sanger Emo Adams en sy vrou, Michelle Gildenhuys, wetenskap en navorsing kombineer om hul stambome na te vors en te bepaal wat die grootste liefdesverhale in hul verre verlede was …

Hoewel sy baie dankbaar is dat sy drie flieks gemaak het sedert sy weg is by 7de Laan, “en my gat af vervaardig, amazing kids en ’n fantastiese verhouding het”, wil sy nou net vakansie hou.

FOTO: Donovan Roets Photography

Maar eers geniet sy die Silwerskermfees. “Ek probeer dit elke jaar bywoon. Dit is lekker om oor ’n glasie wyn met almal in die bedryf te kuier en te sien wie doen wat. Ek is lief vir Afrikaans, my hartstaal. Ek praat dit met my kinders, hoewel hulle dit nie terugpraat nie en daarna verwys as ‘Mommy’s language’.”

Olivia sê wel soggens, wanneer sy haar by die skool aflaai, haar enigste Afrikaanse woorde: “Ek is lief vir jou.”

The post Diaan se sukses geen raaisel appeared first on SARIE.

Vir maande was sy stil en die wêreld het begin wonder wat van Taylor Swift geword het. Die Grammy-wenner het drie dae gelede haar hele Instagram-blad skoongemaak en ’n paar uur later net ’n video van ’n slang se stert geplaas.

A post shared by Taylor Swift (@taylorswift) on Aug 21, 2017 at 8:00am PDT

Toe kondig sy haar nuwe album, Reputation, aan, wat in November uitgereik gaan word.

A post shared by Taylor Swift (@taylorswift) on Aug 23, 2017 at 9:39am PDT

En nou het sy haar nuwe enkelsnit, “Look What You’ve Made Me Do”, vrygestel.

The post Taylor Swift se nuwe liedjie is hier! appeared first on SARIE.

Die aktrise Mila Guy is in nie minder nie as drie rolprente te sien by die sewende kykNET Silwerskermfees in Kampsbaai, Kaapstad: Liewe Kersfeesvader, Wonderlus asook die kortfilm Vlugtig.

“Ek is mal oor my karakter, Nonnie, in Liewe Kersfeesvader. Dit gaan oor ’n moeilike pa-dogter-verhouding. Ek self het ’n baie goeie verhouding met my pa.”

Haar ingenieurpa, Johan, ma Belinda, ’n onderwyseres, en suster, Maro, woon in Nieu-Seeland. Mila het vyf jaar gelede, ná vyf jaar in die vreemde, na Suid-Afrika teruggekeer om hier te kom studeer. Sy het haar dramagraad aan Tukkies behaal.

“Ek love Suid-Afrika. Die mense, my taal, die mooi natuurskoon. Maar dit was baie lekker om so veilig oorsee te voel.”

Vanaand het Wonderlus vir die heel eerste keer by #Silwerskermfees gespeel. Hier is al die aktrises saam met die regisseur en skrywer van die fliek, Johan Cronjé.

A post shared by SARIE Tydskrif (@sarietydskrif) on Aug 24, 2017 at 5:26pm PDT

Mila, wat ook in Hotel en Ballade vir ’n Enkeling te sien was, sê haar rol in Wonderlus was ’n voorreg. “Ek vertolk die karakter ‘bruid’. Sy is ’n naamlose karakter. Ek het nog nooit eintlik ’n groot behoefte gehad om te trou nie, hoewel ek nie daarteen is nie. Dit gaan oor liefde en ’n troue en die oggend daarna wanneer almal wakker word. Dit is komies.”

FOTO Facebook / Mila Guy

Mila het ’n spesiale vriend, ’n mediese dokter. “Gelukkig het hy begrip vir my beroep en is hy baie ondersteunend.” Meer wil sy nie verklap nie.

Sy geniet toneelspeel omdat dit haar kans gee om in verskillende karakters te klim en hul lewe te beleef op ’n manier wat sy nie andersins sou kon nie. Sy bewonder die plaaslike aktrise Rolanda Marais (“Sy wórd letterlik elke karakter wat sy vertolk”) en die Amerikaanse aktrise Shailene Woodley van Big Little Lies-faam. “Sy is so jonk en talentvol. En dít motiveer my.”

Sy wil die res van haar lewe toneelspeel – of dit in sepies, TV-reekse of rolprente is. “Ek wil aanhou groei.” En sy wil reis. Elke jaar. “Ek was al in Australië, Bangkok, Amsterdam en Parys. Nou staan my kop Afrika-lande toe – Lesotho, ag, enige plek wat nuut is.” Sy glo die ontdekking van nuwe kulture laat jou met ander oë na die lewe kyk. Vir haar is geluk rustigheid.

FOTO Facebook / Mila Guy

En wat is haar gunsteling-woorde in Afrikaans?

“Pantoffel en bollemakiesie. Afrikaans is wie ek is. Selfs in Nieu-Seeland het ek net Afrikaans met my ouers gepraat.”

Kyk die lokprente van Wonderlus en Liewe Kersfeesvader hiér:

The post Silwerskermfees: ‘Afrikaans is wie ek is’ appeared first on SARIE.

Die Afrikaanse sanger Jo Black, oftewel die man met die baard, het vanoggend goeie nuus met sy aanhangers gedeel. Jo se debut-album, Skepe, het platinumstatus bereik.

Verlede jaar het Jo Black die land se nuwe sangsensasie geword. Nou verkoop sy debut-album Skepe soos soetkoek. Maar sê Jo die sukses is steeds oorweldigend.

Jo se musiekvideo vir sy liedjie “Skepe” het verlede jaar as nommer een op iTunes in Suid-Afrika geëindig. Dis al meer as 1 miljoen keer op YouTube gekyk.

Vir Jo voel als nog onwerklik.

“Dis nog soms oorweldigend. Ek word nog elke keer onkant gevang as iemand my herken in die publiek. Ek weet nie hoe raak mense gewoond daaraan nie, dis iets nuuts, maar ek moet sê dat dis great om die impak te sien wat my musiek maak,” het Jo aan SARIE.com gesê.

She be giving me crazy eyes . #beard #tattoo #wife #bethatguy

A post shared by Jo Black (@joblack8) on Jul 31, 2017 at 1:47am PDT

FOTO: Suikerbekkie Fotografie

Gelukkig is sy vrou, Debbie, en sy twee dogters, Dinieke (7) en Miané (4), daar om hom plat op die aarde te hou.

“Ek is versot op hulle. Hulle is my lewe.”

En vir Jo is Debbie beslis sy rots.

“Sy is een van daai vrouens wat haar gesin bo haarself plaas. En daar is glad nie ’n tekort aan liefde nie. Daar is genoeg soentjie en drukkies om jou deur die dag te kry.”

The post Jo Black se groot nuus! appeared first on SARIE.

Jenna Dunster, die 30-jarige dogter van die gesoute akteurspaar Elize Cawood en Wilson Dunster, is baie opgewonde oor Skoon, die kortfilm oor obsessief-kompulsiewe stoornis waarin sy en haar goeie vriend Pascual Wakefield by die sewende kykNET Silwerskermfees in Kampsbaai, Kaapstad, te sien is. 

Dié neurose manifesteer soms in meer as net handewas of om blokkies op vloere te tel. “Louis (Pascual) is ’n mondhigiënis met ’n obsessie oor higiëne, maar die ironie is in die proses maak hy alles vuil,” vertel Jenna. Háár karakter, Anchen, is jonk en ligsinnig. “Dit was baie harde werk om voor te berei vir die rol,” vertel sy. 

Scene out of #Immortal Dankie @netwerk_24 en @djmarais vir die foto. #CTfringe #afdatheatre #capetowntheatre #observatory

A post shared by Jenna Dunster (@jenna_dunster) on Sep 26, 2016 at 2:18am PDT

Sy moes onder meer vir vroue vra hoe hulle sou voel as hulle een oggend kaal wakker word en niks kan onthou van die vorige nag nie. “Sou hulle wonder of hulle verkrag is, wat sou deur hul kop aan? Die meeste vroue het geantwoord of hulle verkrag is of nie, hulle sal voel of hulle verkrag is.” Om dit uit te beeld was nie grappies nie.

Op dertig is sy baie eerlik oor die lewe. Haar lewe lyk elke jaar anders, maar sy is trots dat sy nie bang is vir verandering nie. “Soms is ek by El Burro in Seepunt kelnerin saam met ’n ongelooflike groep vroue – om my inkomste aan te vul. Ek is ook baie geïnteresseerd in Montessori-onderrigmetodes en oorweeg ’n kursus daarin. Ek het al uitgehelp by ’n kleuterskool en is mal daaroor.”

FOTO Phyllis Green

In 2016 het sy haar leefstyl verander en van Johannesburg na die Kaap toe getrek. “Dit was ’n nuwe begin. Ek het meer rustigheid, glo in meditasie, joga en spiritualiteit.”

Sy het hope Afrikaanse vriende in die Kaap leer ken en is mal oor Afrikaans. “As dit nie vir Afrikaans was nie, kon my loopbaan nie vorder nie. Ek was ook al so baie verlief in Afrikaans. My grootste liefde was in Afrikaans.”

Haar gunstelingwoord is “geniepsig”. En, vertel sy, sy het jare lank die woord “weerstaan” verkeerd gebruik. Sy het gedink dit beteken “uitstaan”. “Ek sou sê: ‘Ek kan daardie nare mens nie weerstaan nie,'” lag sy. En niemand het haar reggehelp nie.

Jenna het by haar ouers geleer jy moet eerlikheid bring na elke karakter. “Jy moet jou karakters goed verstaan. En goeie etiket is so belangrik in ons bedryf. Daar is soveel massiewe ego’s. Ek daag altyd 15 minute op voor ons begin repeteer of optree. Om betyds te wees is belangrik. En ek berei goed voor. Jy moet die stuk wat jy opvoer, respekteer – die skrywer, regisseurs, vervaardigers. Dit gaan oor spanwerk.”

Thank you @nardusengelbrecht for this LAST SHOW TONIGHT @19.00 228 lower main road, Obs #CTfringe #Immortal #capetowntheatre #capetown #afdatheatre #nardusengelbrecht

A post shared by Jenna Dunster (@jenna_dunster) on Sep 27, 2016 at 4:56am PDT

In die toekoms wil sy graag gereeld kortfilms maak. “Ek was nog nooit materialisties nie en wil dit nie doen om geld te maak nie, maar om te leer en te eksperimenteer.”

Sy het twee jaar gelede ’n film van sewe minute lank, Dearest Elle, gemaak. “Dit gaan oor ’n eensame vrou wat ’n crush ontwikkel op die woonsteleienaar wat elke Donderdag die perseel besoek. Sy probeer haarself heelweek moed inpraat om met hom te gaan praat, maar kry dit nie reg nie. Daar is geen dialoog in die fliek nie. Dit is ’n ongelooflike leerproses en ek geniet dit.”

The post Elize Cawood se dogter, Jenna, is eerlik oor haarself appeared first on SARIE.

Sy probeer om liewer glad nie meer alkohol te gebruik nie.

“Ek het gedink dit sal gek wees om heeltemal alkoholvry te wees, maar nóú wil ek nie weer daardie persoon wees nie. Ek moet myself regruk.”

Volgens prof. Charles Parry, hoof van die Suid-Afrikaanse Mediese Navorsingsraad (MNR) se navorsingseenheid oor alkohol, tabak en ander dwelms, het alkohol só ’n negatiewe effek op jou lyf, dit oorheers verreweg die positiewe dinge. Só kan net twee drankies per dag jou risiko vir borskanker met sowat 20% verhoog. Vier drankies vergroot jou kans op kankers van die mond, slukderm en farinks met sowat 300% tot 600%.

Die effek op die hart en bloedvatstelsel is ’n tweesnydende swaard. Ja, dis goed vir sekere toestande, soos iskemiese hartsiekte en beroerte (dus siektes weens ’n obstruksie in die bloedvate). Maar verhoog die risiko vir ander, sê hy. Dis eenvoudig ’n feit: Alkohol veroorsaak fisieke en emosionele veranderinge wat baie skadelik vir jou lyf kan wees.

Dokters wêreldwyd waarsku jou teen die gevare van oormatig drink. Maar hoeveel is “te veel”? Die drankriglyne in 75 lande – insluitend Suid-Afrika – is in ’n studie geanaliseer. Eerstens was daar nie ooreenstemming oor wat die standaardgrootte van ’n alkoholiese drankie moet wees nie. Die meeste van die lande in die kollig het glad nie ’n riglyn nie. En onder die 37 lande wat wel het, wissel dit baie: tussen 8 gram (sowat 10 mℓ) en 20 gram (25 mℓ) suiwer alkohol per eenheid. Die gemiddeld is 10 g (sowat 13 mℓ) per eenheid – wat ooreenstem met die WGO se standaard. In SA is dit 11-12 g (14-15 mℓ) per eenheid. (Een eenheid in SA = 120 ml droë wyn/vonkelwyn; 340 ml-blikkie bier; 25 ml/1 sopie spiritualieë soos jenewer of brandewyn; en 80 ml of ’n derde bottel alkoholkoeler, soos Smirnoff Spin.)

Tweedens verskil aanbevelings oor hoeveel alkohol “veilig” is, selfs in lande waar die standaardgrootte min of meer dieselfde is. Prof. Parry is nie bewus van amptelike riglyne plaaslik nie. Vroue behoort egter nie meer as sowat 7 glase wyn (120 mℓ) of 7 biere (340 mℓ) per week te drink nie. En nie meer as 2½ eenhede per dag nie. Mans moet minder as 12 biere (340 mℓ) of die ekwivalent daarvan per week drink. En nie meer as 3 eenhede per dag nie.

’n Oormaat alkohol kan jou sentrale senuweestelsel aantas – en so ook jou spysverteringstelsel, bloedvatstelsel, skelet- en spierstelsel, jou seksuele en reproduktiewe gesondheid, immuunstelsel en uitskeidingstelsel. Dis ook sleg vir jou vel.

Lees in SARIE se Augustus-uitgawe meer oor hoe alkohol jou gesondheid affekteer. Klik hier vir die uitgawe.

The post Chrissy Teigen vertel van haar probleem appeared first on SARIE.

In 1958 het Penny Coelen die titel van Mej. Wêreld verower. In 1974 is die blondekop Anneline Kriel as Mej. Wêreld gekroon. In 1978 is die donkerkop Margaret Gardiner bekroon as Mej. Heelal.  En in 2014 is die pragtige Rolene Strauss gekroon as Mej. Wêreld. Nou gaan Demi-Leigh Nel-Peters, Mej. Suid-Afrika, in November aan Mej. Heelal deelneem. Is dit vanjaar weer Suid-Afrika se kans?

I’m so excited to finally share with everyone…. We’re going to UNIVERSE! ✨ I’m saying “we” because I know that just like Miss South Africa we’ll go on this journey together and I can’t wait to share it with each and every one of you! To think, a year ago I first entered Miss South Africa as a small town girl with very big dreams and soon I’ll be saying with the utmost pride…. “Demi-Leigh Nel-Peters, 22, SOUTH AFRICAAAA” #Photo credits: @kevinmarkpass @stormpassmakeup @werner_wessels @noreenkajeevareta @ange_knight #missuniverse #missuniverse2017 #missSouthAfrica #confidentlybeautiful #journeytothecrown

A post shared by Miss South Africa 2017 (@demileighnp) on Aug 22, 2017 at 11:52pm PDT

Kan jy nog hierdie oomblikke onthou?

Penny Coelen

Anneline Kriel

Margaret Gardiner

Rolene Strauss

The post Onthou jy nog toe dié skoonheid gekroon was? appeared first on SARIE.

Die Afrikaanse sanger Jo Black, oftewel die man met die baard, het vandag Jacaranda FM-luisteraars behoorlik laat gons. Eers het hy die goeie nuus gedeel dat sy album Skepe platinumstatus bereik het, toe word sy legendariese baard “afgeskeer!”

Jo Black het vanoggend gekuier by Martin Bester en Tumi Morake op Jacaranda FM. Tydens die ontbytprogram het luisteraars begin stem of Jo sy legendariese baard moet skeer.

Music is more than just a song. It needs soul . #joblack #music #inhoudhuis #beard #tattoo

A post shared by Jo Black (@joblack8) on Aug 9, 2017 at 6:05am PDT

Jacaranda FM het tydens die onderhoud dié video op hulle Facebook-blad gedeel:

Die onderstaande foto is daarna wyd en syd op sosiale media platforms gedeel. En duisende mense dink dat die skoon geskeerde Jo Black presies soos George Clooney lyk! Selfs Karlien van Jaarsveld het kommentaar gelewer dat hulle na mekaar lyk.

A post shared by Jo Black (@joblack8) on Aug 25, 2017 at 6:05am PDT

Jo het egter laat weet dat die foto gedokter is en dat sy baard nêrens heen gaan nie!

Guess who??? . #beard #tattoo

A post shared by Jo Black (@joblack8) on Aug 10, 2017 at 3:08am PDT

Suid-Afrika het verlede jaar vir Jo Black behoorlik leer ken as die sangsensasie met die groot baard en diep stem. Nou verkoop sy debuut-album Skepe soos soetkoek. Die musiekvideo vir sy liedjie “Skepe” het verlede jaar as nommer een op iTunes in Suid-Afrika geëindig. Dis al meer as 1 miljoen keer op YouTube gekyk.

Vir Jo voel als nog onwerklik. “Dis nog soms oorweldigend. Ek word nog elke keer onkant gevang as iemand my herken in die publiek. Ek weet nie hoe raak mense gewoond daaraan nie, dis iets nuuts, maar ek moet sê dat dis great om die impak te sien wat my musiek maak,” het Jo aan SARIE.com gesê.

The post Jo Black verklap die waarheid agter foto appeared first on SARIE.

Die Afrikaanse aktrise Angelique Gerber is swanger met ’n tweeling. Sy en haar rugbyspeler-man, Jacques Potgieter, het reeds ’n pragtige seuntjie, Jacques.

Angelique, wat 12 weke swanger is, het die goeie nuus met Rapport gedeel. Daar’s glo ’n geskiedenis van tweelinge in haar familie, het sy verder aan dié Sondagkoerant verklap.

Ons is so geseën, want eks nie swanger met een baba nie maar met TWEE!! @rapportsa Alle eer aan ons Vader in die Hemel! @jacquespotgieter7

A post shared by Angelique Potgieter (@angeliquegerber83) on Aug 26, 2017 at 11:16pm PDT

My wens vir julle elkeen – ‘n man wat jou sal lief hê onvoorwaardelik, ‘n man wat vir jou sal sorg (fisies, emotioneel en finansieel), en ‘n man wat altyd sy gesin sal eerste sit. Eks lief vir jou en ek mis jou en dankie dat jy al bogenoemde is en ‘n man van karakter is. @jacquespotgieter7

A post shared by Angelique Potgieter (@angeliquegerber83) on Jul 28, 2017 at 11:02pm PDT

The post Angelique Gerber verwag ’n tweeling appeared first on SARIE.

Eersdags is daar ’n bondeltjie vreugde in haar arms. Maar tot dan wag die pragtige aktrise Jana Kruger (Strydom) vir haar derde kind se koms. Sy het reeds twee pragtige kinders, Ohan (7) en Luka (4).

Die geslag van haar nuweling is ’n dogtertjie!

Jana, wat SARIE se Augustus-voorbladster was, het onlangs aan Huisgenoot verklap dat hulle haar Anouk gaan noem, wat “genade” beteken.

In SARIE se Augustus 2017-uitgawe het sy oor ma-wees gesels:

Vir nou ou is haar fokus eers op haar gesin. “En as dit só moet wees vir die volgende tien jaar, is dit ook goed. Die tyd wat jou kinders klein is, is kort. As ek heeldag kla omdat ek nie nou kan werk nie, is ek besig om myself én hulle ’n onreg aan te doen. Ek gebruik eerder ons tyd om hulle te leer om die uitdagings van die lewe – eendag – so goed as moontlik te hanteer. Want ons almal weet daar is oorgenoeg: teleurstelling, verwerping, mislukking.”

Napping on mom before the new arrival shows up #TweePensiesDrieMensies #unconditionallove #consciousparenting #familyfirst #babybump

A post shared by Jana Kruger (@janastrydom) on Aug 11, 2017 at 3:51am PDT

The post Aktrise Jana Kruger verklap baba se naam appeared first on SARIE.

Gisteraand by die jaarlikse MTV Video Music Awards in Los Angeles het Taylor Swift die musiekvideo van haar nuwe enkelsnit “Look What You Made Me Do” bekendgestel. 

Die video begin met ’n grafsteen waarop geskryf staan “Hier lê Taylor Swift se reputasie”. In die video steek sy glo die draak met Katy Perry, Calvin Harris, Tom Hiddleston, Kanye West, Kim Kardashian en ook met haarself. Lees meer hier.

Sy het selfs uitrustings aan uit haar ou video’s.

Kyk die musiekvideo hier:

Joseph Kahn het weer die regie behartig. Hy was ook regisseur van die video’s vir haar “Blank Space”, “Out of The Woods”, “Wildest Dreams” en “Bad Blood”.

“Blank Space”

“Out of The Woods”

“Wildest Dreams”

“Bad Blood”

The post VIDEO: Taylor Swift se Reputation appeared first on SARIE.

In 2008 het Meryl Streep, Pierce Brosnan en Amanda Seyfried op die musiek van ABBA gesing en gedans op ’n Griekse eiland. Die fliek Mamma Mia! was ’n treffer en het $609.8 miljoen wêreldwyd gemaak. Nou, 9 jaar later, word die vervolgverhaal verfilm! 

Meryl, Amanda, Pierce, Julie Walters, Christine Baranski, Stellan Skarsgård en Colin Firth is almal terug vir Mamma Mia! Here We Go Again! Die fliek word tans ondermeer in Kroasië verfilm. Die aktrise Lily James speel die jonger weergawe van Meryl Streep se karakter.

Hier’s agter-die-skerm-foto’s:

Tot dan deel ons “Take A Chance On Me” uit die eerste fliek.

The post Eerste kyk: Mamma Mia! 2 appeared first on SARIE.

Hy is smeulend en sexy, nou kom die Hollywood-ster Antonio Banderos Suid-Afrika toe!

Volgens Channel24 gaan The Mask of Zorro-ster vir ’n geruime tyd ons land kom besoek. Hy gaan glo sy parfuums en fotografie versameling kom bemark, sowel as om liefdadigheidsorganisasies in Johannesburg kom besoek.

#TBT Marzo de 1992. Ante la mirada prodigiosa de Marisa Flórez. Before Marisa Flórez’s eyes. March 1992. #marisaflorez #photography #blackandwhite #antoniobanderas #photographer #portrait

A post shared by Antonio Banderas (@antoniobanderasoficial) on Jul 20, 2017 at 4:54am PDT

The post Sexy Hollywood-ster kom SA toe! appeared first on SARIE.